「九月圓十月尖，持螯飲酒菊花天。」

今年食大閘蟹的季節接近尾聲啦！與其他蟹不同，

無論是蟹膏還是蟹肉都特別鮮美。

至今都食咗十幾餐大閘蟹了。

大閘蟹係淡水蟹屬於比較虛寒食物，

如果配啤酒、柿等食物會引起嘔吐、腹瀉，要注意！

蟹肉雖好食，但有四個部位千其不要食落肚。包括蟹腮、蟹腸、蟹胃、及蟹心，呢啲都係最骯髒部位，

食咗可能又屙又嘔。

如果有痛風、寒底人士、患癌、孕婦，食過量有機會腹瀉；濕疹及過敏人士食咗會加重過敏情況，傷口更可能會流膿，咁就要忍忍口。

要㨂到靚大閘蟹除了要講眼光外，都要有啲技巧的；

首先輕輕敲下隻大閘蟹近眼位置，見「眼仔碌碌」有反應就是生蟹；跟住拎上手感受下成隻蟹重量，愈墜手愈好；反轉睇下個肚是否白色，愈潔白就表示所生長的湖水夠乾淨，再按下個肚愈結實就愈多膏多肉；

留意一下蟹身顏色要夠深綠色，蟹毛帶有金紅色；然後輕拉下蟹腳或腳尖，新鮮的會回彈，蟹腳愈厚實愈好。

至於掂食，我認為用傳統方法清蒸落埋紫蘇葉，就最原汁原味。最重要記得要徹底洗乾淨；重有食完後要飲杯薑茶啦；蟹迷們你又有咩絕技？